Parallelen

E Film iwwert déi Ondoud. Den Haaptpersonnage heescht Edward, huet däischter Hoer, ass op éiweg-jonk getrimmt well de Schauspiller méi al ass wéi de Charakter, en ass ee Vampir an e weigert sech awer strikt Mënscheblut ze drénken. De Film? Daybreakers. Jo, ech weess – amfong kléngt déi Beschreiwung ewéi de Meedechersschwarm Mësshandler aus Twilight. Mä deen heiten Edward ass cool. Well en verléiwt sech net, an en huet och keen groussartege Problem mat Mord. Daybreakers ass gory. Et fléien Organer duerch d’Bild, eng ganz Rei Leit kréien de Kapp erofgerappt, d’Blut sprëtzt nemmen esou iwwert de Bildschierm. An trotzdem: Sozialkritik gëtt et och. Net vill, mä genuch fir de Film net an d’läscherlecht ofdriften ze loossen. Well: wat geschidd, wann mir alleguerten Vamnpirer sinn, an eis d’mënschlecht Blut ausgeet, dat mer zwéngend zum Iwwerliewen brauchen?

Daybreakers ass bestëmmt kee Meeschterwierk. Mä wat de Vampirgenre ugeet ass et dat éischt passabelt dat een sech kann undoen zanter Interview with a Vampire. Just schwaach Nerven dierf ee keng hunn. Ennerhalsame Popcornkino fir fréi owes, ier een eppes anstänneges mat senger Nuecht ufänkt.

Published on

in

Comments

  1. Chris

    Ech hunn de Film nach net gesinn, well ech als éischt 2009 nach fäerdeg kréie wëll. Mä ech muss widderspriechen, dass de Film “dat éischt passabelt dat een sech kann undoen zanter Interview with a Vampire” ass. Ech fannen “Let the Right One In” e ganz gudde Film, genee sou wéi och “Thirst”. Dass op der Telé sou munch guddes komm ass, denken ech, musse mer net driwwer diskutéieren.

  2. Thierry

    Ech hunn Låt den rätte komma in zwar hei op BluRay leien, ech hunn en awer bis ewell nach net gekuckt. Et maach also duerchaus sinn, dass sech meng Meenung duerno ännert. Thirst hunn ech bis ewell nach guer net kannt, muss ech gestoen.

    Wat ass op der Telé komm? True Blood ass dat eenzegt, dat mer afällt wat mat Vampiren op der Telé gelaf ass, an méi rezent The Vampire Diaries. An ech weess guer net, bei wéi enger vun deenen zwou Serien ech mech méi zu Doud gelangweilt hunn.

  3. Chris

    Du fënns “True Blood” langweileg? Dat ass schued. Ech fannen d’Sendung wierklech clever an interessant.
    An da gëtt et natierlech nach ëmmer d’”Buffy”.

  4. Thierry

    Ech fannen et amfong selwer schued, well mir déi aner Saachen vum Alan Ball gudd gefalen. Ech fannen d’Charakteren zimlech platt. Elo mol ofgesinn vun deem gefakten Südstaatleraccent, deen mir onheemlech op de Kichelche geet. Dogéint kléngt Geordie jo wéi Engelsgesang. Ech muss allerdéngs och zouginn, dass mech dee ganze Krom em Vampirer iwwerhaapt net usprécht an et nervt mech wahnsinneg, dass dat grad esou populär ass.

    Buffy gesinn ech elo amfong net wierklech als ee Beispill fir Vampirgenre, well d’Serie sech relativ séier weiderentwéckelt huet an eng ganz Rei aner Dämonen eng Roll gespillt hunn. Mä jo, déi Serie schléit Daybreakers. Och wann ech amfong méi e Fan vun Angel sinn. Mä och do goung et ausser dem Haaptpersonnage eben éischter selten em Vampirer.

  5. Laurent

    Recommendations fir ‘Let the right one in’ an ‘Thirst’.

  6. Chris

    Wéivill hues de dann vun “True Blood” gekuckt, wann ech froen dierf? Well, ech ginn zou, ech hunn och en zweeten Ulaf gebraucht bis dass ech et wierklech interessant fonnt hunn. Virun allem d’Vampiren, d’Hierarchie ënnert hinnen, an d’Froe vu Loyalitéit a Mënschlechkeet, déi sech do opmaachen sinn extrem interessant. An dann ass et wierklech och keng reng “Vampir”-Sendung, well et och hei aner Iwwerwiesen gëtt.
    An den Jason Stackhouse ass menger Meenung no de beschten Personnage op der Telé am Moment (nieft dem Don Draper). “I work out like a motherfucker and watch a lot of porn to learn stuff.” Come on, dat ass brillant. :)

  7. Gloda

    Daybreakers leeft net hei am Kino :( Ech kann awer Alvin and the Chipmunks oder St Trinian’s 2 kucke goen…

  8. Thierry

    Ech weess et net méi, eng handvoll Folgen, méi net. Dunn hunn ech mer geduercht ech kéinnt och besseres mat där Zäit ufänken. An dee beschte Personnage op der Telé ass den Topher. “I’m the Tin Man, she’s the Lion, and you’re the head of the Lollipop Guild who’s a traitor.” (Okay, vläit sinn ech och einfach zevill Literaturgeek. :D)

    Woubäi dat Zitat vum Jason Stackhouse ass och net iwwel. Mä wann ee Motherfucker wëll, da kann een och Californication kucken. Hank Moody!!!!

    An deem Fall géing ech Alvin kucken goen. Ech hunn en zumindest amüsant fonnt. Näischt wat ech géing zweemol kucken, mä et krut déi annerhallew Stonn gutt em.

Leave a Reply

Your email address will not be published. Required fields are marked *