An der lëtzebuerger Blogosphär gouf déi leschten Deeg an e puer diversen Artiklen d’Thema Nationalfeierdag a Patriotismus behandelt, beim b352 gouf et dann elo eng Reaktioun dodrobber. Well mäi Post geschter zum Nationalfeierdag pur Provokatioun war, well ech dat Thema dann awer elo och eemol serieux behandelen.
D’Geschicht vu Nationalfeierdag misst mettlerweil geklärt sin, allerdéngs schéngen sech d’Geeschter zum Senn vun desem Fest ze spalten. Ass et Patriotismus wann een säin Herrscherhaus op engem Dag feiert dee méi dem Wieder ze verdanken ass ewéi soss eppes? Hu mir hei am Land soss keen Evenement dat mer kéinnten feiren wéi einfach op Jangendag dee mettlerweil misst Hengendag heeschen, mee mir kennen de Kalenner jo net extra emänneren, e Stroossefest mat Freedefeier z’organiséiren? Do wier zum Beispill den 9. Juni well op deen Dag am Joër 1815 de Wiener Kongress eriwwer war a mir domatter offiziell een eegenen Staat goufen.
Brauche mir Nationalfeierdag dann iwwerhaapt? Jo. Et ass deen eenzegen Dag am ganzen Joër, wou eppes an der Staat lass ass an een sech net no 18 Auer firkennt wéi an enger Geeschterstaat aus engem bellegen Horrorfilm. Ech gin zou, ech fillen mech net als Lëtzebuerger mee als Mensch, wéi ech och schon an engem Kommentar beim Joël am Blog kloër gestallt hat. “Mäi” Land gett et net. Villäicht läit dat awer och dodrunner, dass déi lëtzebuergesch Gesellschaft menger Meenung no ze blann hier Nodeeler unhëllt an iwwerhaapt ech nemmen selten dat Gefill hun, Lëtzebuerger wieren e frendlecht an hellefsbereet Vollék. Sin ech do net selwer mat dru Schold, dass eist Land net frendlech ass? Villäicht, mee ech maachen mäi Bescht fir no baussen en gudden Androck ze hannerloossen, an et mécht mer och näischt aus, e puer asiatesch Touristen duerch déi hallew Staat ze guidéiren well se onbedengt wellen d’Méchelskierch gesin. Och en briteschen Tourist hun de Gilles an ech schon eemol owes duerch d’Caféen guidéiert, bis en dann dunn endlech een fonnt hat, deen em zougesot hat (nodeems mer em erklärt haten, dass de “red light district” awer definitiv ze wäit ewech wier fir en dohinner ze bréngen). Gudd, dat ass villäicht alles net am Sënn vum ATB, mee emmerhin muss een och tëscht blödsinnegen Ideen an reellem Liewen ennerscheeden kennen.
Ass den 22./23. Juni ee rengt lëtzebuergescht Fest? Villäicht gett deen Owend wierklech dat Gefill vun enger Zesummenghöregkeet gefestegt, mee deenen meeschten Jonken ass et geschter wahrscheinlech haaptsächlech em de gratis Béier aus dem Battin Woon an em all dat anert Gesöffs gaangen. Obwuel ech näischt mat Nationalfeierdag als solchen um Hut hun, gin ech zou, dass et awer en flott Gefill war, an ee Bus voller Leit ze klammen, déi all dat selwecht Ziel haten: Spaass. Ongewinnt dest Joër war fir mech, dass ech Nationalfeierdag bis op eng Persoun mat Leit gefeiert hun, déi ech firdrunner allenfalls mam Numm kannt hun. Villäicht war et dat Gefill vun Zesummengehöregkeet, dass mer eis allerguer direkt esou gudd verstaanen hun, mee wahrscheinlech net, well dobäi waren och zwee Leit aus der Belsch, déi sech eemol Lëtzebuerg ukucken kommen wollten, an domatter also guer net vum “Virus” lëtzebuergescht Zesummengehöregkeetsgefill erfaasst goufen.
Hellef, ech feiren dee lëtzebuerger Feierdag schlechthin mat Auslänner! Dat wier geféierlechen Patriotismus. Sou war et awer net, ganz am Géigendeel hat keen vun eis en Probleem domatter tëscht lëtzebuergesch an franséisch hin an hier ze wiesslen an déi Leit mat feiren ze loossen.
Iwwerhaapt awer war dest Joër Nationalfeierdag erem aussgewéinlech (erem, well d’lescht Joër den 22. Juni virun allem den Dag war, ier ech op Lloret geflunn sin), well ech firdéischte Kéier d’Relève vun der Garde kucken war, wat elo net wierklech impressionant war. An ech krut d’Virbereedungen op der Neier Bréck mat, an wat déi do fir Kabelen ronderem leen ouni den Iwwerbléck ze verléiren ass enorrm impressionant, och wann d’Freedefeier, mat Haaptattraktioun Péitrussedall am Schwiefelwaasserstoff, zu engem groussen Deel an virun allem déi iwwerdriwwen New Age ugehauchte Musék éischter enttäuschend waren.
Um Enn vum Owend spéiden Ufank vum Moien war et dunn schued, dass et eriwwer war, mee emmerhin war d’Staat fir en puer Stonnen esou, ewéi se emmer kéinnt sin: voller Liewen. A, ganz éierlech, dee Moment war et mir ganz egal op lo do een Grand-Duc gefeiert gett oder soss eppes.
Full ack.
Dein Wort in Gottes Ohr. ACK.
“Mir brauchen de Nationalfeierdaach well dann mol eng Keier Party ass”. Sorry, mee daat ass daat dämleschst Argument, wiesou mir en Nationalfeierdaach sollte brauchen. Fir ze feiren brauch en keng Natioun, an iwerhaat: waat ged et do ze feieren? Daat mer Letztebuerger sin? Daat et Letztebuerg ged?
Ausserdem ass beim Blus&Jazz-Rally ob manst genausouvill lass wei Nationalfeierdaach, wann och just ob de Gronn begrenzt.
(Ausserdem fannen ech net, daat mir mei open-air-partyen brauchen. Dei beschten Partyen feiert en am dach relativ-klengen Krees, wanns de mech frees.)
Notrag: Mäin Full Ack bezitt sech elleng op dem Thierry säi Post.
pass op ech sin e nationalist an de roude léiw hällt dech soss mam saak ;-)
seriously, gudden artikel!
Merci fir Zoustemmung. :)
@ Joël
Ech behaapten net, et géif just Party gin wann Nationalfeierdag ass, natirlech gett et och esou Saachen wéi Blues&Jazz Rallye oder Rock um Knuedler, mee wann ech een normalen Weekend owes duerch d’Staat treppelen, ass et do ewéi ausgetuerwen an ech fannen et immens, wann wéinstens eemol am Joër déi ganz Staat voller Leit ass. Esou wéi am Ausland an enger ganzer Rei Stiedt (München oder Cardiff zum Beispill), wou souguer op engem normalen Sonndeg d’Staat voller Leit ass. Jo, et feiert een am beschten am klengen Krees, där Meenung sin ech och, mee dofir muss et ronderem jo awer net komplett roueg sin, et ass dach flott wann do nach Leit sin déi mat hieren Kolleegen feiren. Ech brauch déi zwou Saachen, heiansdsdo eemol ee rouegen Owend, mee des öfteren hun ech et och gären wann vill Liewen rondrem mech ass. Mee dat ass natirlech jidderengem selwer iwwerlooss, an all Astellung ass do richteg géing ech mengen.
Brauchen mer Nationalfeierdag dass Party ass? Jo. Wat feiren mer? Dat ass ganz egal, Haaptsaach mir feiren iwwerhaapt eemol. Mir ass et relativ schnuppe op deen nierwt mer elo feiert well en stolz op Lëtzebuerg ass oder well en sech einfach gären ameséiert. Fakt ass einfach, dass d’Leit alleguer mateneen feiren, an dat generell ganz friddlech, just dass se dat wahrscheinlech net géingen maachen, wann et net deen Nationalfeierdag géing gin. D’Nationalitéit vun deenen Leit déi matfeiren ass mer dobäi wéi gesot ganz egal, soulaang d’Leit ee flotten Owend hun. An dofir brauchen mer deen Dag. Net fir engem Heng ze weisen dass hien en gudden Herrscher ass. :)
Mhmm, dann brauchen mir awer keen Nationalfeierdaach. Dann brauchen mir just en Daach wou mer alleguerten feieren, egal ob mir elo Patrioten sin oder eis just wellen besaufen oder eng gudd Zait wellen hun.
Woufir dann de ganze Quatsch mat Fakelzuch an Te Deum asw? Mir brauchen awer keng Avenuen voller Fändelen an Nationalhymen, fir eis ze ameseiren!
Et geht mir net em daat waat sech owes an der Staadt ofspillt, mee em de Cader, em den eigentlech Senn vun deem Daach. Ech mengen daat ged an der ganzer Diskusioun e bessen vermescht. Wei wann ech irgendengem sain Recht, ze feieren weilt ewechhuelen. Et geht mir just dorems, daat ech et net verstoen kann, wei een kann eng NATIOUN feieren.
An jo: Wanns du Nationalfeierdaach feiers, feiers de ennert aaneren, daat et daat Land hei mat sengen Gesetzer wei dem daat um 1 Auer Schluss ass! Vun dohier ass deng Argumentatiounschin e bessi…komesch? ;-)
Hm… Schade dass ich so wenig verstehe (das meiste kann man erahnen was es heißt, aber es ist doch ein wenig anstrengend *gg*), aber das Feuerwerk ist klasse:-)
Allerdings finde ich dass man einen Feiergrund niemals in Frage stellen sollte, denn es wird viel zu wenig gefeiert!
Nationalfeierdag fir dass Pary ass. Dat kléngt e bessen simplistesch a naiv, an dofir erklären ech dann mol léiwer nach eng Kéier genee wat ech domatter mengen. Am groussen Ganzen sin ech mam moere averstaanen, et ass gudd, dass Nationalfeierdag jiddfereeen eppes gebueden kritt, sief dat eng Militärparad oder onmoossegen Alkoholkonsum.
De Knackpunkt bei der ganzer Saach ass: et geet net em de Staat, mee em d’Gesellschaft. Et geet wéi schon gesot net dremser den Heng ze feiren, mee iwwerhaapt eemol ze feiren, an dat mat all méiglechen Leit, ouni Virurteeler. D’Fest vu Nationalfeierdag begrenzt sech vläit vum Numm hier op d’Konzept vun enger Natioun, mee wann een owes den 22. Juni duerch d’Staat treppelt, an do Englänner, Fransousen, Portugiesen, Belsch, Chinesen a natirlech Lëtzebuerger untrefft, gett schnell kloër, dass do méi gefeiert gett wéi d’Natioun Lëtzebuerg. Sécher sin do eng ganz Rei Patrioten drenner, fir déi gett et dann och de Fakelzuch, Te Deum etc, mee et gin der och vill, déi einfach nemmen feiren, fir ze feiren, eben wéi de Prinzip l’art pour l’art.
Bei deem ganzen Geschwaafels stellt sech natirlech d’Fro firwat een dann dofir ausgerechent Nationalfeierdag brauch. Dat ass eng pertinent Fro, déi allerdengs einfach ze beentwerten ass: et gett keen validen Ersatz, respektiv kee Wellen een aneren Dag anzeféiren wou sou gefeiert gett. Mir wier et egal, wann mer géingen den 9. Mee Europa an sou engem groussen Stil feiren, mee dat maachen mer net an zumindest esou laang brauchen mer Nationalfeierdag eben nach.
Ech fannen net, dass Nationalfeierdag d’Lëtzebuerger Natioun eleng gefeiert gett, vill méi hun ech dat Gefill, dass mer alleguer zesummen d’Liewen feieren. Dass dat op engem Dag geschidd, deen Nationalfeierdag heescht, ass dobäi dach eigentlech niewesächlech.
Dat Gesetz dass um 1 Auer Schluss ass, ass flott, firun allem wann een ee Stammcafé matzen an der Aalstaat huet, deen bis 3 Auer ophuet. :-)
Zu der Saach wéi ee kann eng Natioun feiren, dat géing ech zwar och net maachen, mee ech kann mer awer firstellen, dass et Leit gin, déi stolz sin op hiert Land. Wou kennt dee Stolz hier? Vläit fillen se sech einfach wuel an hierem Land, vläit sin se frou iwwert déi puer Traditiounen déi mer nach hun a feiren déi mat voller Iwwerzeegung (Bretzelsonndeg oder Liichtmessdag zum Beispill).
Zum richtegen Anarchist: dat hänkt wuel vun der Definitoun vun Anarchismus of. Anarchismus heescht jo net einfach nemmen alles blann of leenen, wat vun enger Regierung festgeluecht gett, mee vill méi sech kloër gin, wat dovunner gudd a wat schlecht ass an dat akzeptéiren, an der Hoffnung, dass all Mensch iergendwann agesäit wat richteg a falsch ass an een dat Diktat vun uewen erof nemmi brauch. Dass eng Gesellschaft friddlech zesummen feiert kann nemmen richteg sin, also firwat soll een Anarchist sech do eraus haalen? D’Motiver vun deenen eenzelnen sin relativ egal, et ass ee Schrett an déi richteg Richtung: mir feiren all zesummen. :-)
Also Nationalfeierdag ze feieren geet jo grad doremser zesummen ze feieren fir en zugehörigkeitsgefühl ze kreeieren bei de leit (dei aal griechen hun do einfa sauforgien gemat, de ganze zinglabumm mat faendelen a sou wa net su wichteg). An doweinst si jo all dei verschidde evenementer (fakelzuch, freedefeier, te deum, “zivil militaerparade”, asw.), sou dass fir all mensch eppes dobei as… U sech as nationalfeierdag e wichtegen dag fir ze weisen dass mir an enger gesellschaft zu der mir och de près ou de loin och stin (och wann ee net emmer mat de gesetzer averstaanen as dei de letzebuerger staat zu brengt… – en richtegen anarchist geng den 22. an den 23. juni doheem bleiwen). Also sou gesin ech dat mol… Nationalfeierdag (wat e jo net mei als groussherzogsgebuertsdag bezeechne kann) as net nemmen e grond fir party ze man, och wann dei allermeescht vun deenen dei e puer stonnen nom freedefeier na am gedreks op der breck am gronn probeiert hun na irgendwei loft ze kreien dat vleit sou gesin…
Verstidd mech awa lo net falsch: wann ech vun engem zugeh??rigkeitsgefill schwetzen as dat kee bellege patriotismus, mir wier et grad su gaer wann mir den 9. Mee um europadag och gengen sou feieren (wat iwwregens als konsequenz haett dass d’leit och secher gaaaaaanz anescht zu europa genge stoen wei bis). Mee irgendwei brauch eng gesellschaft sou deeg emmer, an dat zesummefeieren as eben einfach e moment den d’gesellschaft eben och formt… An naja, irgendwei as deen aspekt awa mei wichteg wei wa mir dem heng oder dem jhang sein bday feieren oder net…
Anarchismus heescht virum allem daat en net well daat eng Regierung oder en Regent do ass, nee? ;-) Ennert aanerem doweinst sin ech doheem bliewen. Ech well net op engem Daach feieren, den des Natioun dei ech an där Form wei se besteht net gudd fannen, feiert. ;)
Thierry, ech verstinn dain Standpunkt an och waats du mengs: nämlech daat, waats du – an wahrscheinlech och nach eng ganz Rutsch vun Leit fillen: Daat et eben egal ass, wiesou do gefeiert ged, haaptsaach, et ged gefeiert. Daat heescht, den NF ass e bessi sou “degenereiert” wei Chreschtdaach, ob manst waat d’Party an der Staadt ungeht. Daat maach flott sin.
Fir mech ännert daat awer nach naischt dorunner, daat op dem Daach *soll* de letztebuerger Staat an dei letztuergesch Natioun gefeiert gin. Ech wier frou, wann et en ähnlechen Feierdaach geif gin, einfach ouni nationalen Unklang. Well dei Saachen fir mech eben net “flott” oder schein sin an ech net wees, waat ech do soll feieren.
(Kuerz zum Thema Europadaach: Geif ech perseinlech besser, awer och net oneingeschränkt gudd fannen. Ech färten zanter dem läschten Joer daat probeiert ged mat engem “europäischen/EU-Patriotismus” d’Festung Europa och an de Käpp vun de Leit auszebauen. Jojo, de Joel ass erem geint alles.)
Jo, Anarchismus ass firun allem dat. Naja, jiddferengem seng Astellung, bei Anarchismus gin et och honnert verschidden Richtungen. Ech freen mech schon iwwert kleng Fortschretter an eng Regierung hällt mech net dovunner of ze feiren, ech feiren jo net déi Regierung. An wann ech – resp. meng Eltren – Steiren fir sou een bescheuert Freedefeier, wat dann net eemol dowärt ass, mussen blechen, dann well ech dat awer zumindest och gesin. :)
Ech gin der absolut Recht, et wier gudd wann et een Dag ouni nationalen Uklang géing gin. Mee dee gett et leider net, an esou laang freen ech mech driwwer, dass den Nationalfeierdag emmerhin souwäit dégéneréiert ass, dass mer eben awer net méi wierklech eist Herrscherhaus feieren. Och wann et nemmen en Trouscht a keng Léisung vum Probleem ass.
En EU Patriotismus wier en Schrett an déi richteg Richtung, am beschten wier menger Meenung no zwar, dass mer de Mensch selwer – a net eng Regierung – ouni Virurteeler feiren, an ouni Bezug op iergendeng Natioun. Mee vun engem “Weltgefill” si mer leider nach enorm wäit ewech, an et zumindest op d’EU, wat jo emmerhin schon en puer Lënner sin, auszebauen, wier schon eng Stuf weider d’Leeder rop.